Bhí Féile Na Bealtaine ar súil ó 28 Aibreáin go dtí 2 Bealtaine i gCorca Dhuibhne.
I gcóir 5 lá thar saorlá bainc i mí bealtaine bhí an ghrian go h-ard sa spéir agus bhí ceol, filíocht agus amhránaíocht le cloisint in áiteanna éagsúla timpeall na leithinse.
Déanadh céiliúradh ar Steve McDonagh, ceannródaí san fhoilsiúcháin, a d’imigh ar shlí na fírinne i 2010. Labhair údair a bhí foilsithe le McDonagh ar nós Manchán Mangan, Mícheal D Higgins agus Alice Taylor ag an ócáid i dtigh tábhairne Uí Fhlairearta. Chomh maith le sin, bhí oíche ómóis do bhunaitheoir na Féile Mícheál Fanning le ceolchoirm den scoth in Óstán na Sceilge.
Thanaig Finbar Furey, Julie Feeney, Tom Baxter, Andreas Varady, cór na Rúise agus grúpa ceol ón gCongo go dtí Corca Dhuibhne le linn na Féile.
Taispeáineadh gearrscannáin le linn na féile agus cuireadh ‘A Picture of Dorian Gray’ ar stáitse i gcaifé le caifé, tae agus sóláistí. Chomh maith le sin bhí ‘The Third Policeman’ á thaispeáint i slí nua, slí difriúil.
Ag caint faoi dhifríocht, bhí seisear ag rothaíocht ar rothair chun scannán a bhí ar súil lasmuigh san aeir a chur ar siúil! Cumhacht na rothar abú. An lá ina dhiadh sin bhí turas rothaíochta 110km ón nDaingean go Cam agus siar arís go Ceann Sléibhe thar an fharraige fhairsing le radharcanna den scoth sa tír á bhlaiseadh.
Do leanaí, bhí blaiseadh don sircus, fir ghrinn, daoine ag juggláil, puipéidí ó Lambert agus seónna éagsúla lán le spraoi ar súil. Ceann de na buaicphointí ná an mhórshiúil a bhí ar siúl trí bhaile an Daingin ar an Domhnach, le téama an sircuis ann. Bhí eilifintí, tiogair agus ainmhithe aite ag déanamh glóir!
Chuir an láithreoir Philip King, Michael D Higgins faoi agallamh agus chuir Grett O’ Conor ó TG4, an cheist seo ar Dhiarmaid Ferriter agus daoine eile ar a painéal: ‘An féidir linn a bheith i gceannas orainn féin?’. Labhair Abie Philbin Bowman ina dhiadh sin i mBaile an Fheirtéaraigh chun dearcadh grinn a sholáthar.
Táimid ag tnúth le Féile Na Bealtaine 2012 agus tá súil againn go mbeidh sibh linn i gCorca Dhuibhne i gcóir ceann de na féilte ealaíon is fearr in Éirinn!
________________________________________________
FÉILE EALAÍONA
An bhfuil tú saor ón 28 Aibreán godtí an 2 lá do mhí na Bealtaine? Má tá, tar go dtí Corca Dhuibhne don fhéile Ealaíona bliantúil. Gheobhaidh tú blaiseadh do spiorad agus anam an Iarthar: ealaíon, ceol, dráma sráide, polaitíocht agus draíocht Chorca Dhuibhne i gcoitinne!
Caith súil ar imeachtaí na bliana!
Is ómós é Féile Na Bealtaine 2011 do Mícheál Fanning a bhunaigh an fhéile i 1994.
Fear le fís ab ea Mícheál agus thug na healaíona fuinneamh do dá shaol san iomlán. Ceannródaí ionspráideach ab ea é, ina chuid scríbhneoireachta agus ina ghuth. Fear a spreag daoine chun a gcuid talainn a chur in úsáid, fear uamhal daonna a d’oibrigh i dteannta daoine i gcónaí.
Mar dhochtúir, chaith Mícheál a shaol le muintir Iarthar Chiarraí. Ba é Iarthar Chiarraí a dhomhan agus ba é Féile na Bealtaine an solas a las a shaol. Cé go raibh clár aon leathanaigh ag an bhféile seo seacht mbliana déag ó shin, d’fhorbair an fhéile seo mar chéiliúradh ar na healaíona le clú agus cáil air timpeall na tíre ag nascadh daoine ar chomhmheon le chéile.
Is féile éagsúil le hanam atá i bhféile na Bealtaine a thaispeánann scoth an cheoil, na litríochta, dráma sráide, imeachtaí do leanaí, léachtaí stairiúla. Tá súil againn go mbeadh Mícheál bródúil as imeachtaí na bliana seo agus gan amhras, tá súil againn go mbainfidh sibhse sult as agus go mbeidh bhúr talainn curtha in úsáid! Míle buíochas!
